სულ ცოტა ხნის წინ თბილისში ორი შესანიშნავი ადგილი გამოჩნდა,რომელთა შესახებაც სოციალურ ქსელებსა თუ ფიზიკურ საუბრებში ერთი დიდი აჟიოტაჟია. ადამიანები მარტივად იტაცებენ სიახლეებს, თუმცა ამჯერად საქმე ხარისხიან და უცხო პროდუქტებთან გვაქვს, რამაც ჩვენი მოლოდინები ნამდვილად გაამართლა
ლუნატიკი უმაღლესი ხარისხის ინგრედიენტებისგან დამზადებულ ორცხობილებს გვთავაზობს, რომლებიც ყველა გემოვნების ადამიანებისთვის არის მორგებული: ფისტა და თეთრი შოკოლადი, რძიანი შოკოლადი, შოკოლადი და თხილი და ასე შემდეგ. ორცხობილები ყოველდღიურად ცხვება და უმალვე იყიდება, ჯერჯერობით მხოლოდ მიწოდების სერვისი აქვთ, თუმცა მალე ფიზიკურ ობიექტსაც გახსნიან. უნდა აღინიშნოს რომ გამოძახების შემთხვევაშიც, ორცხობილები თბილი და ძალიან, ძალიან გემრიელი მოდის.
დოდონატში ფაფუკ ცომში მოთავსებულ სხვადასხვა კრემიან დონატებს ამზადებენ, გაყიდვების ნამდვილი სუპერვარსკვლავი კი ჟოლოსა და ვანილის კრემის დონატი აღმოჩნდა, თუმცა სხვა სახეობებიც არანაკლები პოპულარობით სარგებლობენ. ყოველდღიურად ძალიან დიდი დატვირთვით მუშაობენ და ხარისხის შესანარჩუნებლად მხოლოდ შეზღუდული რაოდენობით დონატებს ამზადებენ, სწორედ ამიტომაც მიტანის სერვისი 4 საათიდან მუშაობს, ხოლო მაღაზია კი 12 საათიდან – ექვთიმე თაყაიშვილის პირველ ნომერში.
ეწვიეთ ადგილზე ან გამოიძახეთ და აუცილებლად გაგვიზიარეთ თქვენი აზრი💝
